चित्रगुप्त नमस्तुभ्याम वेदाक्सरदत्रे

ब्लॉग त' बनि के तैयार भ' गेल मुदा समस्या इ छल जे प्रारम्भ कतय सँ कयल जाय। किछु सदस्यगणक सुझाव छल जे पहिल पोस्ट श्री चित्रगुप्त जी महाराज सँ सम्बद्ध होय। संगे इएहो सोचलहुँ जे आई त' जूडशीतल सेहो अछि त' कियैक ने ब्लॉगक श्री गणेश एहि पावन दिन पर कयल जाए। त' लिअ उपस्थित छी एहि ब्लॉगक पहिल आलेखक संग।

श्री चित्रगुप्त जी महाराज केँ आदि कायस्थ सेहो कहल जाय छन्हि। कहल जायत छैक जखन ब्रह्मा जी चारि टा वर्ण बनौलथि तखन यमराज मानवगण केँ विवरण राखय लेल हुनका सँ मददि माँगलथि। 

तकर उपरांत ब्रह्मा 11,000 बरस केँ लेल ध्यान साधना मे लीन भ' गेलथि। साधनाक उपरांत जखन ओ आँखि खोललथि त' अपना समक्ष एकगोट पुरुष केँ देखलखिन्ह जे अपना हाथ मे 'स्याही दवात' आ डाँर मे तरुआरि खोसने रहथि। हुनका देखि के ब्रह्माजी कहलखिन्ह, "हे पुरुष! कियैक त' तोँ हमर काया सँ उत्पन्न भेलह ताहि लेल तोहर संतान कायस्थ कहेतौ। आर जेना तोँ हमर चित्र (शरीर) मे गुप्त (विलीन) छलह ताहि लेल तोहरा 'चित्रगुप्त कहल जेतह"। 

ऋगवेद मे श्री चित्रगुप्त जी महाराज केँ महाशक्तिमान क्षत्रीय सेहो कहल गेल छन्हि। 

चित्र इद राजा राजका इदन्यके यके सरस्वतीमनु ।

पर्जन्य इव ततनद धि वर्ष्ट्या सहस्रमयुता ददत ॥ ऋग्वेद ८/२१/१८ ॥

गरुड पुराण मे चित्रगुप्त महाराज केँ पात्रक दाता कहल गेल छन्हि।

चित्रगुप्त नमस्तुभ्याम वेदाक्सरदत्रे

चित्रगुप्त महाराज केँ दू गोट पत्नी सँ 12 टा पुत्र भेलन्हि जाहि सँ कायस्थ समाजक विभिन्न शाखाक निर्माण भेल। 

जिनक नाम छलन्हि:-

1.  माथुर,

2.  गौड,

3.  भटनागर,

4.  सक्सेना,

5. अम्बष्ठ,

6. निगम,

7. कर्ण,

8. कुलश्रेष्ठ,

9. श्रीवास्तव,

10. सुरध्वजा

11. वाल्मिक आ

12. अस्थाना ।

(साभार- विकीपीडीया)